講真，皮膚好，有邊個唔想化淡妝？哈哈！好似講緊「有頭髮邊個想做癞痢？」
本身我啲毛孔經已唔細，根本 afford 唔到日日 full make-up，可以的話都寧願塊面塗少啲，用眼妝轉移視線就算~ 即係 BB cream / base (IPSA blue base) ＋碎粉 (最近用緊 Missha mineral powder，平平地都唔錯)＋eyeliner (M.A.C pencil 真係好夠黑，但 200 % 會甩…. Shiseido pencil 黑度不及 M.A.C，雖然無咁易甩，但都有少少甩…)
今夏推介：左有 COFFRET D’OR 四色 eye shadow，右有 M.A.C 橙色指甲油

一般我的淡妝都唔包括 eye shadow，但當要見一般重要人時，我都會選自然色調加深眼部輪廓，用法非常非常簡單，色盤使用次序：(1)由左至右 (2)由上至下 (3)最後我會再加黑色內外眼線，因為我嫌最深的啡色唔夠深。當然，一定要全部 blend 開，眼尾可以再 blend 鬆&開少少，純粹想拉長眼尾。
想 bling 多DD就在下眼頭加多少少左邊的銀白光粉，但如果真係想 natural 就忍下手，需知愈加只會愈多愈重手，完全違背淡妝原意~
btw，四格色 x 四個掃頭好方便，適合我這種從不清理掃子的頂級大懶蟲

化完淡妝，再配簡單首飾就足夠，但如果你同我一樣，夏天一戴首飾皮膚就好易出疹／起粒粒，我會選擇用甲油取代手上所有飾品。M.A.C甲油內有小珠，無咁易凝結（無咁易咋~），玩左半年，現在都有少少乾，亦變得更難 handle。其實一開始都幾難搽，因為質地幾稀，要慢慢地、薄薄地塗兩次先可以，不過隻色都幾特別 + SHARP。
p.s. Dior 甲油都有小珠，但用左一年多先開始乾。