Hello大家好！已有一段日子無同大家見面，好像休息似的，但其實我並沒偷懶，相反，我更加努力做人。 以往做兒童節目經常接觸很多天真可愛活潑的小面孔，而一向渴望有自已小寶寶的我，就只有羨慕。但我現在正式向各位宣佈:  <<她>> 未必係千呼萬喚既億萬寶寶， 但 <<她>> 卻是我現在唯一最愛最愛的寶貝。各位，我已<<升>>級了！ 我的寶貝！！！ 無見大家咁耐，其實一直忙緊自己的事。人已長大了，已進入人生另一階段。當中有甜酸苦辣，但活得豐盛滿足，更加有了目標。因為我有了 <<她>> ，我的小Honey！已兩歲多了。 我同好多父母一樣，自從知道自己有了小寶貝之後，就開始學做人，而且仲係由頭學起。由選擇及準備各類嬰兒用品、奶樽、奶粉、BB床、BB車、尿片，到選擇醫院、醫生、做各種檢查測試、搵陪月、搵工人姐姐、嬰兒食譜，再到揀學校、教材、興趣班等等…真係忙過不停。 BB未出世已經做定好多research，開始八卦睇下幼稚園，因為覺得小朋友細細粒背著背囊返學好得意^^，但點知有個朋友同我講，話我唔應該只睇幼稚園，而係應該想想將來想小朋友入讀什麼大學，再睇下邊幾間中學的學生多考到該心儀大學，再到那小學跟該中學有聯繫，最後，當有了方向時，才選擇幼稚園！ 嘩嘩嘩！當初還以為朋友誇張同笑我過份緊張，點知越睇得多，聽得多之下，發覺原來當日朋友所講的都未必沒根據。因此，在多番了解下，我亦有了方向，當BB出世之後，再了解小寶貝的性格，差不多到了入學年齡之前，就集中埋手替小寶貝選擇適合她的幼稚園。 幼稚園有好多種類，有傳統的、活動教學的、右腦思維的、蒙特梳利等等，可謂各有特色，各有捧場客。當然每個小寶貝都有他們的特質，作為父母亦會有他們自己的想法。 今次好高興獲she.com的邀請，在此開啟一個網上日誌，藉著這個平台同大家一同學習，一同分享我的一些育兒心得。除幼稚園外，仲有很多家長成日會問的教材、興趣班、食療、BB Hair，怎至KeepFit扮靚等等。